About Thaing Wizard

Thaing Wizard သည် မြန်မာပြည် သိုင်းလောက တိုးတက်ရေးအတွက် တစ်ထောင့်တစ်နေရာမှ အားဖြည့်ပေးမည်ဖြစ်သည်။ အဓိကအားဖြင့် သိုင်းပညာရပ် (Martial Arts) ဆိုင်ရာ ရှားပါးစာအုပ်များကို e-book အနေဖြင့် ပြန်လည်မျှဝေပေးမည်။ ထို့ပြင် သိုင်းနှင့် တိုက်ရိုက် မသက်ဆိုင်သော်လည်း သွယ်ဝိုက်သော နည်းများဖြင့် ပတ်သတ်နေသည့် အကြောင်းအရာများဖြစ်သည့် ကာယဗလ (Bodybuilding)  နှင့် ယောဂ (Yoga)  ကဲ့သို့သော အကြောင်းအရာများကိုပါ မျှဝေပေးမည်ဖြစ်သည်။

မှတ်ချက်။ ။လက်ရှိဈေးကွက်တွင် ဝယ်ယူရရှိနိုင်သော စာအုပ်များကို Thaing Wizard မှ scan ဖတ်ခြင်း၊ ebook ပြုလုပ်ခြင်း လုံး၀ ပြုလုပ်မည်မဟုတ်ပါ။ မူရင်းစာအုပ်ထုတ်ဝေသူ၊ ပြုစုသူများကို တစ်စုံတစ်ရာ ထိခိုက်စေနိုင်မည်ဟု ယူဆသောကြောင့် ဖြစ်ပါသည်။

ကိုယ်တိုင် Professional Martial Artist တစ်ယောက်ဖြစ်သဖြင့် Thaing Wizard website ကို တည်ထောင်ခြင်း မဟုတ်ပါ။ ဝါသနာသမား သက်သက်သာ ဖြစ်ပါသည်။ ထို့အတွက်ကြောင့်လည်း ကိုယ်တိုင်းရေး ဆောင်းပါးများကို တွေ့ရသည်ထက် အခြားပညာရှင်များ ရေးသားထား သည့် ကောင်းနိုးရာရာ ဆောင်းပါးများကိုသာ ရှာဖွေဖော်ပြပေး သွားသည်ကို တွေ့ရမည်။ Thaing Wizard  တွင် ဆောင်းပါးများပါမည် ဖြစ်သော်လည်း အဓိကတွေ့ရမည်မှာ e-book များသာ ဖြစ်သည်။

Thaing Wizard တွင် မျှဝေသွားမည် ဖြစ်သော မြန်မာလိုရေးသားထားသည့် သိုင်းပညာစာစဉ်အများစုမှာ Thaing Wizard မှ ကိုယ်ဆိုင် scan ဖတ်ခြင်းထားပြီး pdf ပြုလုပ်ထားခြင်း သို့မဟုတ် ကိုယ်တိုင် ပြန်လည်စာစီထားပြီး pdf ပြုလုပ်ထားသည် များသာ ဖြစ်သည်။ ၎င်းစာအုပ်တိုင်းတွင် Thaing Wizard ၏ အမှတ်တံဆိပ် ပါရှိမည်ဖြစ်သည်။ အခြားနေရာများမှ ကူးယူရရှိသော စာအုပ်များတွင်မူ Thaing Wizard အမှတ်တံဆိပ် လုံဝထည့်သွင်းထားမည် မဟုတ်ပါ။ ထိုစာအုပ်များတွင် မူရင်းမျှဝေသော website သို့မဟုတ် ဖန်တီးသူ၏ အမှတ်တံဆိပ် မပါဝင်ပါက ရရှိသော မူရင်း website လိပ်စာ ကိုပါ ပြန်လည်ဖော်ပြပေးသွားမည်ဖြစ်သည်။

Thaing Wizard မှ ကိုယ်တိုင် scan ဖတ်ပြီး တင်ပေးထားသော စာအုပ်တိုင်းကို quality ကောင်းကောင်းနှင့် print ထုတ်၍ ဖတ်ရှုနိုင်လောက်အောင် ပြုလုပ်ပေးထားသည်။ A4 size နှင့် print ထုတ်၍ ဖတ်ရှုနိုင်လျှင် အသင့်တော်ဆုံး ဖြစ်သည်။ အခြား website များမှ ကူးယူ တင်ပေးထားသော စာအုပ်များမှာမူ မူရင်း quality ကောင်းမှ ကောင်းကောင်း ဖတ်နိုင်မည်ဖြစ်သည်။ အခြားမှ ရှာဖွေကာ တင်ထားပေးသော စာအုပ်များအတွက် Thaing Wizard မှ quality ကိစ္စကို လုံး၀ တာဝန်မယူပါ။

Thaing Wizard တွင် သိုင်းနှင့်ပတ်သတ် သည့်ဆောင်းပါးများ ရေးသားပေးရန် လည်း ဆောင်းပါးရှင်များအား ဖိတ်ခေါ်ပါသည်။ စိတ်ဝင်စားတယ်ဆိုရင်တော့ thaingwizard@gmail.com ကိုသာ ဆက်သွယ်လိုက်ပါ။ လက်ရှိမှာတော့ ကျွန်တော်ကိုယ်တိုင် ကလည်း ပညာရှင်မဟုတ်တာကြောင့်ရယ် website ကို တစ်ယောက်တည်း ကိုင်နေရတာရယ်ကြောင့် ဆောင်းပါးကိစ္စကို မတတ်နိုင်သေးပါ။ သို့သော် မြန်မာနိုင်ငံတွင် လိုအပ်နေသာ ကဏ္ဍတစ်ခုဖြစ်သည် သိုင်းမီဒီယာကဏ္ဍကလေး တစ်ခုတော့ ဖြစ်နိုင်လျှင် လုပ်ချင်ပါသည်။ အကယ်၍ ဆောင်းပါးရေးသားပေးသည့် ပညာရှင်များရှိလာပါက တစ်လတစ်ခါ သို့မဟုတ် နှစ်လတစ်ခါ သိုင်းမဂ္ဂဇင်း အဖြစ် ထုတ်ဝေမည်ဖြစ်သည်။ ထိုမဂ္ဂဇင်းကို online တွင် အခမဲ့ ပြန်လည် ဖြန်ဝေပေးသွားမည်။

Thaing Wizard နှင့် ဆက်သွယ်လိုပါက thaingwizard@gmail.com ကို e-mail ပေးပို့ နိုင်ပါတယ်။ ဝေဖန်အကြံပေးမှုများကို ကြိုဆိုလျက်ပါ။ သိုင်းပညာနဲ့ ပတ်သတ်ပြီး တစ်စုံတစ်ရာ မျှဝေချင်တယ်… ဆွေးနွေးချင်တယ်ဆိုရင်တော့ http://www.facebook.com/groups/thaingwizard ကို လာခဲ့ကြပါ။ Thaing Wizard ရဲ့ updateဖြစ်တဲ့ အကြောင်းတွေကို သိချင်ရင်တော့ http://www.facebook.com/ThaingWizard ကို like လုပ်ထားကြပါနော်။ Website ပင်မစာမျက်နှာ (Home page) ရဲ့ ဘေးဘက်နားက Follow ဆိုတဲ့ နေရာမှာ e-mail ဖြည့်ထားခဲ့ရင်လည်း update ဖြစ်တိုင်း စာအုပ်အသစ်တင်တိုင်း mail လက်ခံရရှိမှာဖြစ်ပါတယ်။